| 乂ღღ乂 نـــرجســيهـ 乂ღღ乂 | |
|
|
كاتب الموضوع | رسالة |
---|
Fida dshti
عدد الرسائل : 531 العمل/الترفيه : طالبة والأجر على الله :/ تاريخ التسجيل : 26/05/2008
| موضوع: 乂ღღ乂 نـــرجســيهـ 乂ღღ乂 السبت 31 مايو 2008, 6:25 pm | |
| "نرجســيه" نرجسيّة .. نرجسيّة .. اذكر إنها نرجسيّه**كلمةٍ مطلع قصيده راودتني من زمان كنت أبكتبها ولكن عيّت أظروفي عليّه**والزمن أيضاً حداني وبعدها كان اللي كان نرجسية يا علي بنتٍ تمادت بالخطيّه**أسرفت في حالي حتى .. عفتها يا أبو روزان بعثرت عمري شظايا بين ذيك وبين ذيّه**ولا قويت أجمع شتات العمر وأطراف الحنان اذكر أني كنت أهوجس في غلا ها الآدميّه**وحسبت إن حزت لقانا هالدقايق والثوان وأذكر إني كنت اشكك في وجود الجاذبيّه**وتساءل ليه أطير اليّا دعتني في مكان وكنت أظن إن النهار ليا ظهر تـنبان ظيّه**استمد النور منها ثم خذا منها ضمان والضمان إنها تصون السد عن كل البريّه**ما تخبِّر به قريب ولا يسولف به لسان بجادلٍ ربي حباها في ملامح يوسفيّه**عنق وإلاّ خصر وإلاّ ... يا دخيل المستعان إن تهادت في خطاها تسلب العقل ظرويّه**وان تثنت شّحت كفي ويش بقى للخيزران ولا أنثرت مجدولها اللي لا حشى ماشفت زيّه**ذا ريح العود وإلا هو عبير القهويان من نظرها كنه اللي ما حسب طعنة خويّه**ولا له إلا لا تبسم ثغرها عض البنان لو نظرها ابن الملوح عاف ليلى العامريّه**يختلف طرقه ونهجه وتصبح العشره ثمان يترك الشعر المقفّى والحروف الأبجديّه**أو يهيجن هيجنة بدوٍ لهم عزة وشان أشهد إنها من عذابي يا علي ما هي بريّه**قلبها قاسي ولا أذكر قد تمايل لي ولان عرضتني للهجير وقالت امشي لك بفيّه**وتركتني للسهاد ولوعة الصاد الهوان واستباحت كل عرقٍ من عروقي والضحيّه**حبنا اللي من سواها ما صفى مره وزان عنجيّه ونرجسيّه .. ونرجسيّة وعنجيّه**حلها وشلون مدري .. طالبك يا ابو روزان
***
"فضفضـــة" هذا انا جيتك بسولف يافهد من حر مابي**فضفضه أو بوح ما ادري المهم جيتك وانا ضايقٍ بالي وصدري ما قوى يحمل صوابي**والأمل ما بان نوره ولا ألمحت عيني سنا جابني يمك ثقيل الهم يوم انه دوابي**أجهده والموت كنه داخل اعروقي دنا استفزيت المعاني والقلم وحده درى بي**يوم بيح من خفوقي كل ما جوفي كنا والمصيبه يافهد ويشلون بشكي لك عذابي**دام صار الهم شايب وصرت بعيونه ظنا من بعد يوم المفارق طال ليلي والتوى بي**كل حزن الكون فيني وزاد بي كثر العنا فارقتني من تبيع الناس لجل لحظة لقا بي**والخطا ماهو خطاها وكنت أول من جنا اعترف اني خطيت بحقها وهذا جوابي**كان ودك بالحقيقه يافهد خذها هنا صعب تخذل من يحبك وهي أول من هقابي**اني اجمع كل بسمه وآتنصفها المنا غرني طيشي ومشيته وإلا هو اللي مشى بي**ولا وعيت إلا وانا اهدم صرح من عشقٍ بنا والله اني ماندمت من الطفوله لين شبابي**لين حبل الوصل شفته بأوسط يديها انثنا ليتها تغفر خطايا يافهد باللي جرى بي**بعدها ما غط جفني لا ولا قلبي اهتنا وليتها ترجع وتجمع ما بقى او ما بقى بي**وأحلف بربي ما ازعلها إلى يوم الفنا
***
"بدري حبيبي" بدري حبيبي تعال اجلس هنا اقبالي**ودي أملّي عيوني وخاطري بشوفك أجلس يا دوبك وصار الوقت يهنالي**مدام سمحت لك الأيام وظروفك ياما وياما سهرت الليل ياالغالي**ارسم خيالك وعانق بالهوى طيوفك واكتب قصايد نثرها الشوق في بالي**وأفرح إذا ما زهاها حرف بالحروفك تبغى الصراحه .. احبك يا بعد حالي**وعقلي سلبته وقلبي صار ملهوفك ما يوم والله أطاوع فيك عذالي**لو هم يقولون جروحي بسبت سيوفك تبرى جروحي وأحس الكون يصفالي**لا صرت يمي وكيفي لامس أكفوفك بدري حبيبي تعالي وخلك اقبالي**وبالله كمل علي اليوم معروفك
***
"على ذكر اللي نزل" على ذكر اللي نزل كتابه للنبي داود**ونجّا موسى من فرعون بعد ما غرق وأعوانه اببدى والقصيده توّها في أول العنقود**مثل نبتٍ زهي طلعه عيون الناس بأغصانه وأنا رجلٍ أخاف الله واعرف العيب والمنقود**ولانى من كذب كذبه وصدقها على ألسانه غشيمٍ لاهرج جاب السوالف صِدقها مفقود**وناخذها على منهج ايا دانه ويادانه نخيتك وأن نخيتك يا قصيدي كنك البارود**تجيني بفزعتك ثاير وتنصاني بأخو فلانه أبي لا ضاقت الدنيا بعيني والليالي سود**تبدد ضيقتي بقافك وسج بروعة ألحانك وبشكي لك زمن جاحد وحنا قسمنا المجحود**زمن ضيع خطاوينا وصار الزيف عنوانه زمن فيه الشجاع ايهاب ودربه بالشقى موعود**زمن فيه العزيز يذل ويكثر فيه حقرانه زمن خلا ضعيف النفس واللي ما وراهم فود**تعلوا في مراتبها وصاروا بأول الخانه جهل نرسم أمانينا حرارٍ ما تعرف اقيود**وحنا ما بنا واحد سلم من ظلم سجانه وعبث تكتب مشاعرنا قصايد والعنى مولود**ربى داخل محاجرنا وصرنا نعشق احزانه قضينا عمرنا نتعب نبي قولت لبن مردود**نعيش احلامنا بدنيا بها الأحلام خوانه حدينا ما يبات الليل وجاره يشكتي مهبود**يرد الظلم للظالم لو أنه أقرب اخوانه واذا صار الأمل دايم على حبل الرجا معقود** دعينا ربنا يلطف بحال الوقت سبحانه
***
"لا تعاتبني" لا تعاتبني دخيلك انتهى وقت العتاب**دام ما للحب قيمه ويش له نعيد ونزيد ودامك اللي للخطايا مشرعٍ عشرين باب**العتب ما ظن يقدم لا ولا حتى يفيد من هويتك وكني الظامي ويتبع له سراب**لا اقترب يمه تلاشى وابتعد عنه بعيد حايرٍ تاه بدروبك ولا نقل غير الصواب**كم نزفه الشوق لجلك وللأسف قلبك جليد وكم تعثر به سؤالي ولا لقى منك جواب**غير جورك والتجني ما جنى شيٍ جديد اشهد ان الحب كافر وأكثر أيامه عذاب**لا غدى منهو تحبه قاسيٍ رايه عنيد وعشرةٍ فيها مذله يا عساها للذهاب**ليتها تفنى وتبقى عزةٍ عيت تبيد لجل لو حتى طرى لي وصلكم قلت الغياب**ولا اعتزمت إلا رحيلي والشديد بتركك يا حب عيّا ينجلي عنه الضباب**أيه نعم هذا قراري وانتهى قدرك أكيد وكان قصدك في مجيك تفتح أبواب العتاب**أنصحك وفر كلامك لا تعيد ولا تزيد
[من قصائد شاعرنا فيصل العدواني]
اتمنى عجبتكم | |
|
| |
Admin Admin
عدد الرسائل : 189 تاريخ التسجيل : 29/03/2008
| موضوع: رد: 乂ღღ乂 نـــرجســيهـ 乂ღღ乂 الأحد 01 يونيو 2008, 2:28 pm | |
| مشكوووووووووووره على هالقصائد الحلوه | |
|
| |
Fida dshti
عدد الرسائل : 531 العمل/الترفيه : طالبة والأجر على الله :/ تاريخ التسجيل : 26/05/2008
| موضوع: رد: 乂ღღ乂 نـــرجســيهـ 乂ღღ乂 الأحد 01 يونيو 2008, 5:54 pm | |
| وانت تسلم على مرورك الأحلى .. .. | |
|
| |
#واثق الخطى#
عدد الرسائل : 353 تاريخ التسجيل : 02/07/2008
| موضوع: رد: 乂ღღ乂 نـــرجســيهـ 乂ღღ乂 الخميس 10 يوليو 2008, 2:12 am | |
| الصراحة شهادتي بها الشاعر مجروحة وخاصة القصيدة قبل الاخيرة اشكرك على الموضوع اللطيف | |
|
| |
Fida dshti
عدد الرسائل : 531 العمل/الترفيه : طالبة والأجر على الله :/ تاريخ التسجيل : 26/05/2008
| موضوع: رد: 乂ღღ乂 نـــرجســيهـ 乂ღღ乂 السبت 12 يوليو 2008, 2:46 am | |
| واثق الخطى الألطف مرورك خيووو فووفه | |
|
| |
عاسف المهره
عدد الرسائل : 249 تاريخ التسجيل : 02/07/2008
| موضوع: رد: 乂ღღ乂 نـــرجســيهـ 乂ღღ乂 الأربعاء 16 يوليو 2008, 12:43 am | |
| صراحه قصائد رائعه يسلمو خيتو عاسف المهره | |
|
| |
AzoOoz
عدد الرسائل : 967 تاريخ التسجيل : 31/03/2008
| موضوع: رد: 乂ღღ乂 نـــرجســيهـ 乂ღღ乂 السبت 19 يوليو 2008, 4:27 pm | |
| بصراحه كل قصيده اعجبتني اكثر من الثانيه | |
|
| |
Fida dshti
عدد الرسائل : 531 العمل/الترفيه : طالبة والأجر على الله :/ تاريخ التسجيل : 26/05/2008
| موضوع: رد: 乂ღღ乂 نـــرجســيهـ 乂ღღ乂 السبت 19 يوليو 2008, 5:15 pm | |
| ولد البدائع يعطيك العافيه ع المرور الحلو مس فدو | |
|
| |
MISSnone
عدد الرسائل : 739 العمل/الترفيه : طالبه المزاج : رايقه تاريخ التسجيل : 16/07/2008
| موضوع: رد: 乂ღღ乂 نـــرجســيهـ 乂ღღ乂 الإثنين 21 يوليو 2008, 7:56 pm | |
| يسلموووووووووووووووووو علي لاخيااااااااااااار الرائع | |
|
| |
Fida dshti
عدد الرسائل : 531 العمل/الترفيه : طالبة والأجر على الله :/ تاريخ التسجيل : 26/05/2008
| موضوع: رد: 乂ღღ乂 نـــرجســيهـ 乂ღღ乂 الثلاثاء 22 يوليو 2008, 2:04 am | |
| انت مرورك اروع حبيبتي يسلمووو مس فدو | |
|
| |
| 乂ღღ乂 نـــرجســيهـ 乂ღღ乂 | |
|